Home / شوبز / آئمہ بیگ کی آواز کا جادو بھارت میں بھی چلنے کو تیار

آئمہ بیگ کی آواز کا جادو بھارت میں بھی چلنے کو تیار

 

 

گلوکارہ آئمہ بیگ نے نہایت کم وقت میں اپنی مدھر آواز کے ذریعے پاکستانیوں کو تو اپنا گرویدہ بنا ہی لیا ہے اور اب ان کی آواز کا جادو بھارت میں بھی چلنے والا ہے۔آئمہ بیگ جلد ہی بھارتی گلوکار میکا سنگھ کے ساتھ اپنا گانا ریلیز کرنے جارہی ہیں، جو کسی بھی بھارتی گلوکار کے ساتھ ان کا پہلا گانا ہوگا۔حال ہی میں آئمہ بیگ نے بی بی سی ایشیئن نیٹ ورک کو انٹرویو دیتے ہوئے تصدیق کی کہ وہ میکا سنگھ کے ساتھ اپنے نئے پروجیکٹ پر کام کر رہی ہیں، جس کے لیے وہ بہت زیادہ پر جوش ہیں۔انہوں نے بتایا کہ وہ اس حوالے سے کچھ برائی ہوئی ہیں کیوں کہ انہوں نے اس سے قبل ایسا کوئی تجربہ نہیں کیا۔آئمہ بیگ نے بتایا کہ یہ گانا صرف آڈیو نہیں ہوگا بلکہ اس کی ویڈیو بھی لانچ کی جائے گی۔انٹرویو کے دوران آئمہ سے پوچھا گیا کہ کیا وہ بالی وڈ کے لیے گانا چاہیں گی؟ جس پر انہوں نے جواب دیا کہ بطور گلوکار مجھے لگتا ہے کہ میری کوئی سرحد نہیں ہے اگر کسی کو میری آواز اچھی لگتی ہے اور وہ چاہتے ہیں کہ میں ان کے لیے گانا گاؤں تو مجھے کوئی اعتراض نہیں ہے‘۔واضح رہے کہ آئمہ بیگ نے گذشتہ ہفتے امریکی ریاست ٹیکساس کے شہر ڈیلاس میں بھارتی گلوکار میکا سنگھ سے ملاقات کی تھی جس کی تصویر گلوکارہ نے انسٹاگرام پر بھی شیئر کی لیکن انہوں نے اپنے نئے پروجیکٹ کے حوالے سے کچھ نہیں بتایا تھا۔

Check Also

جاوید اختر اور شبانہ اعظمی کی فیض میلے میں شرکت کیلیے پاکستان آمد

 لاہور: بھارتی شاعر جاوید اختر اور ان کی اہلیہ اداکارہ شبانہ اعظمی فیض میلے میں شرکت ...

Leave a Reply

Your email address will not be published. Required fields are marked *