Home / نیوز / ابوظہبی ٹیسٹ؛ نیوزی لینڈ کی دوسری اننگز میں بیٹنگ

ابوظہبی ٹیسٹ؛ نیوزی لینڈ کی دوسری اننگز میں بیٹنگ

ابوظہبی ٹیسٹ کے تیسرے روز نیوزی لینڈ کی دوسری اننگز میں بیٹنگ جاری ہے۔

پاکستان کے خلاف پہلے ٹیسٹ میچ کی دوسری اننگز میں نیوزی لینڈ کی بیٹنگ جاری ہے، اس وقت نیوزی لینڈ کے 4 کھلاڑی آؤٹ ہوچکے ہیں اور پاکستان پر کیویز کو 44 رنز سے زائد کی برتری حاصل ہے۔ گزشتہ روز کھیل کے اختتام تک نیوزی لینڈ نے دوسری اننگز میں ایک وکٹ کے نقصان پر 56 رنز بنائے تھے۔

پاکستان اور نیوزی لینڈ کے درمیان تین ٹیسٹ میچز پر مشتمل سیریز کے پہلے ٹیسٹ کی پہلی اننگز میں قومی بولرز کی شاندار بولنگ کی بدولت نیوزی لینڈ کی پوری ٹیم صرف 153 رنز پر ڈھیر ہوگئی تاہم پاکستانی ٹیم اس کا بھرپور فائدہ نہیں اٹھاسکی اور 227 رنز پر پوری ٹیم پویلین لوٹ گئی۔

کھیل کے دوسرے روز پاکستان نے اننگز کا آغاز کیا تو27 کے مجموعی اسکور پر دونوں اوپنرز امام الحق اور محمد حفیظ پویلین لوٹ گئے، حفیظ 20 اور امام الحق 6 رنز ہی بناسکے جب کہ کھیل کے دوسرے دن حارث سہیل اور اظہر علی بھی پہلے سیشن میں ہی اپنی وکٹ گنوا بیٹھے، حارث 38 اور اظہر علی 22 رنز بنانے میں کامیاب رہے۔

بابراعظم اور اسدشفیق نے ملکر 83 رنز کی شراکت قائم کی تاہم اسد شفیق کی 43 رنز ہی بناسکے جس کے بعد کپتان سرفرازاحمد بیٹنگ کے لیے لیکن وہ صرف 2 رنز کے مہمان ثابت ہوئے، بلال آصف کی اننگز بھی 11 رنز تک محدود رہی اور یاسر شاہ 2 رنز پر آؤٹ ہوئے۔ بابراعظم 62 رنز بناکر پویلین واپس لوٹے۔

اس سے قبل نیوزی لینڈ کی پوری ٹیم 153 رنز پر پویلین لوٹ گئی تھی کپتان کین ولیم سن کے علاوہ کوئی بھی بلے باز خاطرخواہ کارکردگی نہ دکھا سکا وہ 63 رنز بنا کر سرفہرست رہے، پاکستان کی جانب سے یاسر شاہ 3، محمد عباس، حسن علی اور حارث سہیل 2،2 جب کہ بلال آصف نے ایک وکٹ حاصل کی۔

واضح رہے کہ اس سے قبل قومی کرکٹ ٹیم نے نیوزی لینڈ کے خلاف ٹی ٹوئنٹی میچز کی سیریز میں 0-3 سے فتح حاصل کی تھی جب کہ ون ڈے سیریز بارش ہوجانے کے باعث 1-1 سے برابر رہی۔

Check Also

مقبوضہ کشمیر میں شہید 11 نوجوانوں کی نماز جنازہ میں ہزاروں افراد کی شرکت

 سری نگر: مقبوضہ کشمیر میں بھارتی فوج کے ہاتھوں 11 بے گناہ نوجوانوں کی شہادت کیخلاف ...

Leave a Reply

Your email address will not be published. Required fields are marked *