Home / خبر یں / الیکشن کمیشن کا اجلاس؛ بیلٹ پیپرز کی چھپائی پاک فوج کی زیر نگرانی کرانے کا فیصلہ

الیکشن کمیشن کا اجلاس؛ بیلٹ پیپرز کی چھپائی پاک فوج کی زیر نگرانی کرانے کا فیصلہ

اسلام آباد: الیکشن کمیشن نے آئندہ انتخابات کے لیے فوج کی نگرانی میں بیلٹ پیپرز کی چھپائی اور ترسیل کا فیصلہ کیاہے۔ چیف الیکشن کمشنر کی سربراہی میں آئندہ عام انتخابات کی سیکیورٹی سے متعلق اہم اجلاس ہوا جس میں وفاقی اور صوبائی چیف سیکرٹریز، وزارت داخلہ اور دفاع کے حکام کے علاوہ چاروں صوبوں اور اسلام آباد کے آئی جی پیزنے شرکت کی۔اجلاس میں بیلٹ پیپرز کی چھپائی پاک فوج کی زیر نگرانی کرانے کا فیصلہ کیاگیا جب کہ بیلٹ پیپرز کی ترسیل بھی فوج کی زیر نگرانی ہوگی۔ فوج سیکیورٹی پرنٹنگ پریس، پرنٹنگ کارپوریشن اور پوسٹل فاؤنڈیشن پرنٹنگ پریس پر تعینات ہو گی۔اجلاس کے دوران صوبائی الیکشن کمشنرز نے پولنگ اسٹیشنز کے متعلق رپورٹ الیکشن کمیشن کے سامنے پیش کر دی، اس موقع پر فیصلہ کیا گیا کہ پولنگ اسٹیشن کی سیکیورٹی پر پولیس اور رینجرز کے دستے مامور ہوں گے،  حساس اور حساس ترین پولنگ اسٹیشنز پر فوج اور رینجرز تعینات ہوگی،  حساس ترین پولنگ اسٹیشنز پر تین سے چار سی سی ٹی وی کیمرے لگائے جائیں گے۔

Check Also

بلوچستان کےعوام کوصاف پانی اور تعلیم فراہم کرنا اولین ترجیح ہے، صدرعارف علوی

    کوئٹہ: صدر مملکت ڈاکٹر عارف علوی کا کہنا ہے کہ بلوچستان کے عوام کو ...

Leave a Reply

Your email address will not be published. Required fields are marked *