Home / شوبز / بالی ووڈ اداکارائیں جنہوں نے غیرملکیوں کو جیون ساتھی بنایا

بالی ووڈ اداکارائیں جنہوں نے غیرملکیوں کو جیون ساتھی بنایا

ممبئی: اداکارہ پریانکا چوپڑا سمیت بالی ووڈ کی متعدد اداکاراؤں نے جیون ساتھی کے لیے بھارت کے بجائے غیرملکیوں کو ترجیح دی۔

پریانکا چوپڑا اورنک جونز

محبت سرحد، رنگ اور مذہب نہیں دیکھتی اس بات کا ثبوت اداکارہ پریانکا چوپڑااور امریکی اداکارو گلوکارنک جونز ہیں جنہوں نے عمر اور سرحدوں کے درمیان واضح فرق ہونے کے باوجود ایک دوسرے کو جیون ساتھی چن لیا۔ دونوں کی منگنی اور روکے کی رسم گزشتہ روز پریانکا کے گھر پر منعقد ہوئی۔ پریانکا کے علاوہ بالی ووڈ کی دیگر اداکاراؤں نے بھی شریک حیات کے لیے بھارت کے بجائے غیرملکیوں کا انتخاب کیا۔

پریتی زنٹا اورجین گڈ

بالی ووڈ کی ڈمپل گرل پریتی زنٹا نے بھی جیون ساتھی کے لیے بھارتی شہری کے بجائے امریکی سرمایہ کار جین گڈ کا انتخاب کیا دونوں 2016 میں لاس اینجلس میں شادی کے بندھن میں بندھے۔

سلینا جیٹلی اورپیٹر ہیگ

بالی ووڈ اداکارہ سلینا جیٹلی نے2010 میں  آسٹریلوی شہری پیٹر ہیگ سے شادی کی، دونوں کی شادی میں گھر والوں اورقریبی دوستوں نے شرکت کی تھی، سلینا جیٹلی نے شادی کے بعد شوبز کو خیرباد کہہ دیا اور اپنے شوہر اور دوبچوں کے ساتھ خوشگوار زندگی گزار رہی ہیں۔

الیانا ڈی کروز اور اینڈریو نیبون

نامور بالی ووڈ اداکارہ الیانا ڈی کروز نے بھی جیون ساتھی کے طور پر آسٹریلوی فوٹوگرافر اینڈریو نیبون کا انتخاب کیا۔ بھارتی میڈیا کے مطابق الیانا نے اپنی شادی کی باقاعدہ تصدیق نہیں کی ہے لیکن دونوں گزشتہ 4 سالوں سے ایک دوسرے کے ساتھ ہیں۔

شروتی ہاسن اورمیکائیل کورسالا

بالی ووڈ اور ساؤتھ انڈین فلموں کی نامور اداکارہ شروتی ہاسن اور برطانیہ سے تعلق رکھنے والے تھیٹر اداکار میکائیل کورسالا کی ملاقات لندن میں ہوئی تھی۔ بھارتی میڈیا کے مطابق دونوں طویل عرصے سےایک دوسرے کے ساتھ اور 2018 کے آخر میں شادی کے بندھن میں بندھ جائیں گے۔

رادھیکا آپٹے اوربینڈکٹ ٹیلر

بالی ووڈ اداکارہ رادھیکا آپٹے اور بینڈکٹ ٹیلر کی ملاقات لندن میں ہوئی تھی بعد ازاں یہ دوستی محبت میں بدل گئی اور  2012 میں دونوں  لندن میں شادی کے بندھن میں بندھ گئے۔

لیزا ہائیڈن اورڈینو لالوانی

’’ہاؤس فل3‘‘اور’’بادشاہو‘‘جیسی کامیاب فلموں میں اداکاری کے جوہر دکھانے والی بالی ووڈ اداکارہ لیزا ہائیڈن 2016 میں برطانوی بزنس مین ڈینولالوانی کے ساتھ شادی کے بندھن میں بندھیں۔

Check Also

ترجمان پاک فوج سے چیئرمین پیمرا کی ملاقات، میڈیا سے متعلق امور پر گفتگو

 راولپنڈی: ترجمان پاک فوج میجر جنرل آصف غفور سے چیئرمین پیمرا محمد سلیم بیگ نے ملاقات ...

Leave a Reply

Your email address will not be published. Required fields are marked *