Home / خبر یں / بیرون ملک پاکستانیوں کی عدم دلچسپی: صرف 7140 افراد نے ہی خود کو ووٹر رجسٹرڈ کرایا

بیرون ملک پاکستانیوں کی عدم دلچسپی: صرف 7140 افراد نے ہی خود کو ووٹر رجسٹرڈ کرایا

 

 

اسلام آباد: ملکی تاریخ میں پہلی مرتبہ سمندر پار پاکستانی آئی ووٹنگ کے ذریعے ووٹ الیں گے، پاکستانیوں کی عدم دلچسپی کا عالم یہ ہے کہ 74 ممالک میں مقیم صرف 7 ہزار 140افراد نے ہی خود کو بطور ووٹر رجسٹرڈ کرایا ہے۔

14 اکتوبر کو ہونے والے ضمنی انتخاب میں قومی اسمبلی کے 11 اور صوبائی اسمبلیوں کے 25 حلقوں میں ووٹنگ ہوگی جب کہ بیرون ملک مقیم پاکستانی بھی ووٹ ڈالیں گے۔

اس سے قبل الیکشن کمیشن نے سمندر پار پاکستانیوں کی رجسٹریشن کا عمل 17 ستمبر تک مکمل کرلیا جس کی تفصیلات سامنے آگئیں۔آئی ووٹر کی رجسٹریشن کی تفصیلات کے مطابق 74 ممالک میں مقیم 7410 پاکستانیوں نے خود کو بطور ووٹر رجسٹرڈ کرایا اور 23 حلقوں میں فی حلقہ 100 سے کم ووٹرز نے رجسٹریشن کرائی۔دستاویزات کے مطابق سب سے زیادہ 1993 پاکستانیوں نے متحدہ عرب امارات سے خود کو رجسٹر کرایا جب کہ سعودی عرب سے 1679، برطانیہ سے 957، کینیڈا سے 408 اور امریکا سے 390 پاکستانیوں نے خود کو رجسٹرڈ کرایا۔ قطر میں 295، آسٹریلیا میں 257، کویت میں 166، بحرین میں 164، اومان میں 144، اٹلی میں 130، اسپین میں 89 اور جرمنی میں 66 پاکستانیوں نے الیکشن کمیشن کی ویب سائٹ پر جا کر خود کو بطور ووٹر رجسٹرڈ کرایا۔ملائشیاء سے 50، فرانس میں 49، آئرلینڈ میں 47، سویڈن میں 38، نیوزی لینڈ میں 19، چین اور جاپان میں 18،18، ہالینڈ میں 17، سنگاپور، بیلجئم، سوئزرلینڈ میں 16،16 جب کہ ترکی میں 11 ووٹرز رجسٹر ہوسکے۔دستاویزات کے مطابق ہانگ کانگ اور پرتگال میں دس دس ووٹرز رجسٹرڈ ہوسکے جب کہ 46 ممالک میں دس دس سے کم ووٹرز رجسٹر ہوئے۔دستاویزات کے مطابق 19 ممالک میں ایک ایک اور  7 ممالک میں دو دو ووٹرز نے خود کو رجسٹر کرایا۔ ضمنی انتخاب میں ووٹ ڈالنے کے اعتبار سے دیکھا جائے تو قومی اسمبلی کے حلقہ این اے 243 کراچی کے لیے سب سے زیادہ 1353 ووٹرز نے رجسٹریشن کرائی، اسی طرح این اے 131 لاہور کے لیے 1126 اور این اے 69 گجرات کے لئے 698 ووٹرز رجسٹر ہوئے۔دستاویزات کے مطابق این اے 53 اسلام آباد کے لئے 641، این اے 60 راولپنڈی کے لئے 567 ووٹرز رجسٹر ہوئے، این اے 124 لاہور کے لئے 510، این اے 63 راولپنڈی کے لئے 321 ووٹرز رجسٹر ہوئے۔این اے 65 چکوال کے لئے 312، این اے 35 بنوں کے لئے 304 اور این اے 56اٹک کے لیے 230 افراد نے خود کو بطور ووٹر رجسٹرڈ کرایا۔

پنجاب اسمبلی کی نشست پی پی 27 کے لئے 253 ووٹرز رجسٹر ہوئے، پی کے 44 کے لئے 185، پی پی 201 کے لئے 112 ووٹرز رجسٹر ہوئے۔

Check Also

(ن) لیگ کے رکن اسمبلی ضیاء الرحمان جعلی ڈگری کیس میں نااہل

      اسلام آباد: سپریم کورٹ نے مسلم لیگ (ن) کے رکن خیبرپختون خوا اسمبلی ...

Leave a Reply

Your email address will not be published. Required fields are marked *