تازہ ترین خبریں
Home / شوبز / دھرمیندر نئے سال کے جشن میں ہیمامالنی کو ہی بھول گئے

دھرمیندر نئے سال کے جشن میں ہیمامالنی کو ہی بھول گئے

ممبئی: بالی ووڈ اداکار دھرمیندر کو بالآخر اپنی پہلی بیوی کی یاد آگئی اور انہوں نے نئے سال کا جشن اپنی چہیتی بیوی ہیمامالنی کے بجائے اپنی پہلی بیوی کے ساتھ منایا۔دھرمیندر اور ڈریم گرل ہیمامالنی کی جوڑی کی مثالیں پوری بھارتی انڈسٹری میں دی جاتی ہیں، دونوں کئی برسوں سے خوشگوار ازدواجی زندگی گزار رہے ہیں۔ دھرمیندر کو ہیمامالنی سے بےحد محبت ہے، دونوں ہمیشہ ایک ساتھ ہی نظر آتے ہیں۔ بالی ووڈ میں تقریباً تمام لوگ اس بات سے واقف ہیں کہ دھرمیندر نے ہیمامالنی سے دوسری شادی کی تھی جب کہ ان کی پہلی شادی 19 سال کی عمر میں پرکاش کور سے ہوئی تھی جس سے ان کے دو بچے سنی دیول اور بوبی دیول ہیں تاہم ہیمامالنی سے شادی کے بعد دھرمیندر کے تعلقات اپنی پہلی بیوی سے کیسے ہیں یہ بات کبھی منظر عام پر نہیں آئی اور نہ ہی پرکاش کور کبھی خود میڈیا پر آئیں تاہم اس سال دھرمیندر کو اپنی بھولی ہوئی بیوی کی یاد آہی گئی۔بھارتی میڈیا کے مطابق دیگر اداکاروں کی طرح اداکار دھرمیندر نے بھی نئے سال کا جشن  بھرپور طریقے سے منایا لیکن اس بار انہوں نے ہیمامالنی اور اپنی دونوں بیٹیوں ایشااور آہانا دیول کے بجائے اپنی پہلی بیوی پرکاش کور اور اپنے دونوں بڑے بیٹوں سنی اور بوبی دیول کے ساتھ مل کر 2018 کو خوش آمدید کہا۔ برسوں بعد یہ پہلی بار ہوا ہے جب دھرمیندر نے ہیمامالنی کے بجائے اپنی پہلی بیوی کو ترجیح دی ہو۔اس موقع پر بوبی دیول اتنے خوش تھے کہ انہوں نے ان خوشیوں بھرے لمحات کی تصویر انسٹاگرام پر شیئر کرتے ہوئے تمام لوگوں کو نئے سال کی مبارکباد دی ہے ساتھ ہی اپنی بے پناہ خوشی کا اظہار کیا ہے۔

Check Also

ایشیا کپ میں پاک بھارت ٹاکرا: شوبز ستاروں کی جانب سے بھی نیک تمناؤں کا اظہار

    دبئی انٹرنیشنل اسٹیڈیم میں ہونے والے ایشیاء کپ کے سلسلے میں آج روایتی ...

Leave a Reply

Your email address will not be published. Required fields are marked *