Home / خبر یں / سدھو نے بھارت میں ہونے والی تنقید مسترد کردی

سدھو نے بھارت میں ہونے والی تنقید مسترد کردی

لاہور: سابق بھارتی کرکٹر اور سیاستدان نوجوت سنگھ سدھو نے خود پر بھارت میں ہونے والی تنقید کو مسترد کرتے ہوئے کہا ہے کہ پاکستان میں بہت عزت ملی۔وزیر اعظم عمران خان کی تقریب حلف برداری میں شرکت کے لیے پاکستان آنے والےسابق بھارتی کرکٹر اورممبرپارلیمنٹ نوجوت سنگھ سدھو امن اورمحبت کا پیغام دے کر بھارت واپس لوٹ گئے۔  نوجوت سنگھ سدھو تین روزہ دورے پرپاکستان آئے تھے۔ بھارت روانگی سے قبل انہوں نے لاہور میں تحریک انصاف کے رہنما چوہدری سرورسے ملاقات کی اوردونوں کے درمیان پاک بھارت تعلقات پر بات چیت ہوئی۔ نوجوت سنگھ سدھو نے ٹکسالی مارکیٹ سے دیسی چپلیں خریدیں جس کے بعد وہ واہگہ بارڈرکے راستے واپس بھارت لوٹ گئے۔اسلام آباد سے روانہ ہوتے وقت نوجوت سنگھ سدھو نے بھارت میں ہونے والی تنقید کو مسترد کرتے ہوئے کہاکہ پاکستان میں بہت عزت ملی، عمران خان پُرامن تعلقات چاہتے ہیں، بھارت بھی قدم بڑھائے۔ سدھو نے کہا یہاں سے پیار اورعزت لے کر جارہاہوں، پیارسے مالامال محسوس کررہاہوں، پاکستانیوں نے جومحبت دی تاعمر یاد رہے گی، ریگستان کی مٹی پربارش پڑنے سے سوندھی خوشبو آنا اچھا شگن ہے، اچھی شروعات کرکے جارہے ہیں۔سینیٹر فیصل جاوید خان نے سدھو سے کہا پاک بھارت کرکٹ میچ ہونا چاہیے، جس پر انہوں نے جواب دیتے ہوئے کہا بھارت جا کر پاک بھارت کرکٹ میچ کا آئیڈیا پیش کروں گا، آئی پی ایل اور پی ایس ایل کے ونر کے درمیان میچ اچھا آئیڈیا ہے، فاؤنڈیشن بنا کر اس امید سے جارہے ہیں کہ کوئی اس پرعمارت کھڑی کردے۔واضح رہے کہ عمران خان کی تقریب حلف برداری میں شرکت کے دوران نوجوت سنگھ سدھو کو خصوصی اہمیت دی گئی اور انہیں اگلی صف میں بٹھایا گیا، جہاں ان کے برابر میں صدرآزاد کشمیر مسعود خان موجود تھے جبکہ انہوں نے آرمی چیف جنرل قمر جاوید باجوہ سے بھی ملاقات کی اوربغلگیر ہوئے۔بھارتی میڈیا کو نوجوت سنگھ سدھو کو پاکستان میں ملنے والی پزیرائی ایک آنکھ نہ بھائی، بھارتی میڈیا نے سدھو کو غدار قرار دے دیا جب کہ ان کے خلاف بھارت میں مظاہرے پھوٹ پڑے ہیں اور ان کے پُتلے بھی نظر آتش کیے گئے ہیں۔

Check Also

پولیس کا مولانا سمیع الحق کی قبر کشائی اور پوسٹ مارٹم کا فیصلہ

 راولپنڈی: پولیس نے جمعیت علماء اسلام کے سربراہ مولانا سمیع الحق کی قبر کشائی اور پوسٹ ...

Leave a Reply

Your email address will not be published. Required fields are marked *