Home / شوبز / عوام نے کورونا کو سنجیدگی سے نہیں لیا اس لیے وبا مزید پھیل گئی، بشریٰ انصاری

عوام نے کورونا کو سنجیدگی سے نہیں لیا اس لیے وبا مزید پھیل گئی، بشریٰ انصاری

 برائے مہربانی اس وبا کو مزید پھیلنے سے روکیں  ،بشریٰ انصاری

بیرون ملک موجود اداکارہ بشریٰ انصاری نے وطن واپس نہ آنے کا ذمہ دار پاکستانی عوام کو قرار دیتے ہوئے کہا ہے کہ عوام نے کورونا کو مذاق اور وہم سمجھا اسی لیے یہ وبا مزید پھیل گئی۔

بشریٰ انصاری کی جانب سے انسٹا گرام پر ایک ویڈیو جاری ہوئی ہے جس میں وہ چہل قدمی کرتی نظر آرہی ہیں اور کہتی ہیں کہ انہیں اپنے وطن پاکستان کی بہت یاد آرہی ہے۔

بشریٰ انصاری نے ویڈیو پیغام میں پاکستان نہ آنے کی وجہ بتاتے ہوئے کہا کہ آپ لوگ بازاروں میں گھوم رہے ہیں، عوام نے کورونا وائرس کو محض ایک وہم اور مذاق سمجھا ہوا ہے جس کی وجہ سے یہ وبا مزید پھیل گئی ہے اور اس تمام صورتحال کے پیش نظر ہم یہاں پھنس گئے ہیں۔

اداکارہ نے یہ بھی کہا کہ ہم لوگ ڈر رہے ہیں اور سوچ رہے ہیں کہ وطن واپس کیسے جائیں؟ سچ تو یہی ہے کہ میں آپ لوگوں کی وجہ سے واپس نہیں آ پارہی، برائے مہربانی اس وبا کو مزید پھیلنے سے روکیں اور کوشش کریں کہ زیادہ سے زیادہ وقت گھر پر رہیں۔

Check Also

توشہ خانہ ریفرنس میں آصف زرداری کے وارنٹ گرفتاری جاری

 اسلام آباد: احتساب عدالت نے آصف علی زرداری کے قابل ضمانت وارنٹس گرفتاری جاری کردیے۔ احتساب ...

Leave a Reply

Your email address will not be published. Required fields are marked *