Home / کالم / عوام کہاںجائے دادنہ فر یاد

عوام کہاںجائے دادنہ فر یاد

 

عوام کہاںجائے دادنہ فر یاد
جمہورکی آواز ایم سرورصدیقی

بلاشبہ پاکستان کے قانون نافذکرنے والے اداروں اور سکیورٹی فورسزنے قیام ِ عمل کےلئے بے پناہ قربانیاں دی ہیںیہ قربانیاں تاریخ کا ناقابل ِ فراموش باب ہے ان قربانیوںکو کوئی جھٹلانابھی چاہے تو نہیں جھٹلاسکتا۔ عوام جب اپنے گھروںکے نرم گرم بستروںپر آرام کررہے ہوتے ہیں تو ہمارے فوجی جوان سرحدوںکی حفاظت کےلئے سینہ سپرہوکر سیسہ پلائی ہوئی دیوار بن کر ڈٹ کرحالات کا مقابلہ کرتے ہیں اسی طرح پولیس کے جوان بھی عوام کی جان ومال کے تحفظ کےلئے اپنے فرائض انجام دےنے کا فریضہ انجام دیتے ہیں یقینا یہ بڑا مقدس کام ہے عام آدمی کے لئے قانون نافذکرنے والے اداروں اور سکیورٹی فورسزکی خدمات قابل ِ تحسین ہیں۔عوام کی جان ومال کے تحفظ کےلئے حکومت نے پولیس میں کئی محکمے بنارکھے ہیں جن میں زیادہ تراہلکاروںکی کاکردگی مثالی ہے یہی وجہ ہے کہ اب تلک بہت سے پولیس افسراور سپاہی اپنے فرض کی ادائیگی کرتے ہوئے اپنے وطن اور اہلیان ِ وطن پر قربان ہوگئے یقینا یہ قربانیاں رائیگاں نہیں گئیں۔یہاںایک سوال یہ پیدا ہوتاہے ان بیش قیمت قربانیوںکے باوجود وطن عزیزمیں ابھی تک جرائم کا قلع قمع نہیںکیاجا سکا یا جس طرح یورپین اور خلیجی ممالک میں امن و امان کی صورت ِ حال کومثالی کہاجاتاہے ایسا پاکستان میں نہیں ہے اس کاایک مطلب صاف صاف یہ ہے کہ جب تک ملک میں قانون کی حکمرانی نہیں ہوگی مثالی امن و امان کاخواب پورانہیں ہو سکتا اور جب تک” قانون سب کےلئے“نافذنہیں ہوتا حکومت جتنے بھی پولیس میں نئے محکمے یا فورسز تشکیل دے دے بات نہیں بنے گی اس لئے حکومت کو ٹھوس اقدامات کرناہوںگے پولیس کے تمام اداروں اور محکموں میں اختیارات سے تجاوزکرنے والوںکے خلاف سخت ایکشن لیناہوگاکیونکہ اختیارات سے تجاوزکرنے کے اثرات انتہائی بھیانک مرتب ہوتے ہیں اسے کرپشن کی سب سے خوفناک صورت بھی کہاجا سکتاہے کئی مرتبہ ناکے لگا کرپولیس والے گاڑیوںکے کاغذات چیک کرتے ہیں کوئی انہیں پوچھنے کی جرا¿ت نہیںکرسکتا حضور آپ ایسا کیونکرکررہے ہیں؟۔اس ملک میں ٹریفک اہلکار ون وے کی خلاف ورزی کرے یا ہیلمٹ پہنے نہ پہنے اس کی مرضی پر منحصر ہے ۔ محافظ پولیس بھی کسی سے پیچھے نہیں ہے ان سے بھی عام آدمی کو بہت سی شکایات ہیں اب تو یہ بھی اطلاعات جیل روڈ، مغل پورہ،ہربنس پورہ،کوئینز روڈ، لبرٹی،لاری اڈہ اور شہرکے مضافاتی علاقوں میں ڈولفن اہلکار نیم تاریکی میں ناکے لگا کرشہریوںکو روکتے ہیں پھر ان کے شناختی کارڈ،چہروں اور گاڑیوںکی موبائل فون سے فوٹولے رہے ہیں ڈیٹابھی فیڈکیاجارہاہے نوجوان ان کا خاص ہدف ہیں اگر یہ سب کچھ لاہور جیسے شہر میں ہورہاہے تو خصوصاً ملک کے پسماندہ شہروں میں کیا کچھ ہو سکتاہے اس کا تصور بھی محال ہے اب کیاکہا سکتاہے ان کو حکومت کی طرف سے کوئی خاص ٹاسک دیا گیاہے یا وہ اختیارات سے تجاوز کرکے اپنے طورپر ایسا کررہے ہیں دونوںصورتوںمیں انسانی وشہری حقوق کے خلاف ورزی ہے اس طرح عام شہریوںکو ہراساںکیاجارہاہے چیف جسٹس آف پاکستان، وزیر ِ اعلیٰ پنجاب، آئی جی پنجاب ،ایس ایس پی لاہور اور متعلقہ تھانوںکو اس کا نوٹس لیناچاہےے۔ جب بھی کوئی نئی فورس قائم ہوتی ہے اس سے لوگوںکا متاثرہونا یقینی ہے عام آدمی تو پہلے ہی حالات کی چکی میں پس رہاہے ،پڑھے لکھے نوجوان روزگارنہ ہونے سے مایوسی کاشکارہیں،مہنگائی،غربت نے عوام کی مت ماررکھی ہے اوپر سے ناکے لگاکر شہریوںکو ہراساں کرناکہاںکانصاف ہے؟۔لاہور جیسے شہر میں شہریوںسے ڈولفن اہلکار وںکے بڑھتے ہوئے بدسلوکی کے واقعات حکومت کے لئے لمحہ ¿ فکریہ ہےں صرف صوبائی دارالحکومت پر ہی اکتفا نہیں صوبے کے دور دراز کے پسماندہ علاقوں میں ڈولفن اہلکار بے تاج بادشاہ بنے ہوئے ہیں وہ روایتی پولیس سے بھی کئی ہاتھ آگے نکل گئے ہیں تلاشی کے بہانے شہریوںسے ہتک آمیز سلوک اور بہانوںبہانوںسے تذلیل معمول بن گیاہے اس کو کون روکے گا؟۔ ہمیشہ کہاجاتاہے کہ پولیس اور عوام کے درمیان فاصلے بڑھتے ہی چلے جارہے ہیں اس کا بڑا سبب پولیس کا رویہ خیال کیاجاتاہے شایدوہ خودکو لوگوںسے برتر سمجھتے ہیں اسی لئے پبلک سرونٹ کا تصور پاکستان میں بڑاخوفناک بن گیاہے یعنی اختیارات رکھنے والا جو چاہے کر سکتاہے اسے کوئی پوچھنے والا نہیں آج ملک کے حالات کے پیش ِ نظرضروری ہے کہ عوام اورقانون نافذکرنے والے اداروں اور سکیورٹی فورسزکے درمیان ہم آہنگی کو فروغ دیا جائے تمام اداروںکوپابندکیا جائے کہ وہ شہریوںکی سیلف ریسپکٹ کو ہرحال میں مقدم رکھیں گے پاکستان کے شہری اپنے وطن سے شدیدمحبت کرتے ہیں اور خاص طور پرجن اداروںتعلق پبلک ڈیلنگ سے ان کی تربیت اس اندازسے کی جانی ناگزیرہے کہ وہ انسان کو انسان سمجھیں جب تک بلا امتیاز سب کااحتساب یقینی نہیں بنایا جاتا بہتری کی امید بھی عبث ہے پاکستان کے تمام شہریوں،اداروں اور سرکاری و غیرسرکاری افسران و اہلکاروںکو آئین اور قانون کا پابندکیاجائے اپنے اختیارات سے تجاوزکرنے والوںسے بازپرس اور خوداحتسابی کا طریقہ ¿ کار وضح کیاجائے جب سب کو احتساب کا خوف ہوگا تو وہ کبھی اپنے اختیارات سے تجاوزنہیںکرسکتا ۔موجودہ حکومت نے اس ضمن میں عوام سے وعدے بھی کررکھے ہیں ان کی تکمیل بھی ضروری ہے کوئی حکومت اس وقت تک کامیاب نہیں ہو سکتی جب تلک وہ عوام کےلئے آسانیاں پیدانہیں کرتی۔پولیس سے متعلق عوامی شکایات اور ان کے ازالہ کےلئے بھی حکومتی ترجیحات کا تعین کیا جائے ،پولیس کو عوام پر اپنا اعتمادبحال کرناہوگا مجرموں اور عام آدمی کے درمیان فرق پولیس کا طرہ امتیازہونا چاہےے۔ہر حکومت نے پولیس کلچرکی تبدیلی کے بے شمار وعدے کئے ۔تحریک ِ انصاف کے منشور اور وزیر ِ اعظم عمران خان نے تو متعددبار پولیس کو سیاسی دباﺅ سے آزاد کرکے عوامی امنگوںکے مطابق ڈھالنے کااعلان کیاہے خیبر کے پی کے میںتو اس کا کامیاب تجربہ بھی کیاجاچکاہے ۔ پاکستان ہمیں کسی نے تحفے میں نہیں دیااس کےلئے دنیا کی سب سے بڑی ہجرت کی گئی تھی اس وطن کی مانگ میں ہزاروں ماﺅں بہنوں کی عصمتوںکا لہو شامل ہے قائد اعظمؒ نے پاکستان اس لیے نہیں بنایا کہ یہاں لوٹ کھسوٹ کا بازار گرم ہو ،کرپشن ہو، پبلک سرونٹ جب اور جہاں چاہیں عوام کوذلیل کردیں راﺅ انوار جیسے پولیس افسروںکا بلا امتیاز احتساب ہوتا تو دیگر کو عبرت ہوتی ہمارے ملک کے قانون نافذ کرنے والے ہرادارے سے عام آدمی خوفزدہ رہتاہے یقین جانئے لوگ ان سے محبت نہیں کرتے یہ رویہ جب تک تبدیل نہیں ہوتا ہر طرح کی اصلاحات اور تجربات فضول ہیں دل چاہتاہے ہر پاکستانی ملک کے قانون نافذ کرنے والے اداروں اور اپنے محافظوں سے محبت کریں حالات متقاضی ہیں جرائم کے خاتمہ اور عام آدمی کی جان ومال کے تحفظ کےلئے ٹھوس اقدامات کئے جائیں یہ بات طے ہے کہ جب تک پولیس اور عوام کے درمیان فاصلے کم نہیں ہوں گے مسائل حل نہیں ہو سکیں گے۔

Check Also

غلامی سے نجات !

  جمہورکی آواز ایم سرورصدیقی حقیقت اور دعوےٰ دو الگ الگ باتیں ہیں یہ الگ ...

Leave a Reply

Your email address will not be published. Required fields are marked *