Home / خبر یں / مقبوضہ کشمیر میں بھارتی فوج کے ہاتھوں مزید 5 کشمیری نوجوان شہید

مقبوضہ کشمیر میں بھارتی فوج کے ہاتھوں مزید 5 کشمیری نوجوان شہید

سری نگر: مقبوضہ کشمیر میں قابض بھارتی فوج نے سرچ آپریشن کے نام پر مزید 5 نوجوانوں کو شہید کردیا۔کشمیر میڈیا سروس کے مطابق مقبوضہ کشمیر کے ضلع شوپیاں کے علاقے کلورا میں قابض بھارتی فوج نے محاصرے اور سرچ آپریشن کے نام پر ریاستی دہشت گردی کا مظاہرہ کرتے ہوئے 5 نوجوانوں کو شہید کردیا۔ علاقے میں قابض فوج کا آپریشن اب بھی جاری ہے، موبائل فون اور انٹر نیٹ سروس بھی بند کردی گئی ہے۔دوسری جانب علاقے میں نہتے کشمیریوں نے بھارتی مظالم کے خلاف اور آزادی کے لیے احتجاج کیا تو قابض فوج نے انہیں منشتر کرنے کے لیے روایتی انداز میں فائرنگ اور شیلنگ کی جس کے نتیجے میں 20 سے زائد افراد زخمی ہوگئے، زخمیوں کو علاج کے لیے ڈسٹرکٹ ہیڈ کوارٹر اسپتال منتقل کیا گیا جہاں انہیں طبی امداد فراہم کی جارہی ہے۔اسپتال انتظامیہ کا کہنا ہے کہ زخمیوں میں سے چار کو کندھے میں گولیاں لگی ہیں جب کہ ایک کی حالت تشویناک ہونے کی وجہ سے اسے سری نگر ریفر کردیا گیا ہے۔واضح رہے کہ صرف جولائی کے مہینے میں مقبوضہ وادی میں قابض بھارتی فوج اور کٹھ پتلی انتظامیہ نے 21 نوجوانوں کو شہید کیا تھا جب کہ جمعرات اور جمعے کے روز 4 افراد شہید کئے جاچکے ہیں۔

Check Also

پولیس کا مولانا سمیع الحق کی قبر کشائی اور پوسٹ مارٹم کا فیصلہ

 راولپنڈی: پولیس نے جمعیت علماء اسلام کے سربراہ مولانا سمیع الحق کی قبر کشائی اور پوسٹ ...

Leave a Reply

Your email address will not be published. Required fields are marked *