Home / خبر یں / وفاقی وزیر قانون فروغ نسیم عہدے سے مستعفی

وفاقی وزیر قانون فروغ نسیم عہدے سے مستعفی

اپنا استعفیٰ وزیر اعظم کو پیش کردیا ہے فروغ نسیم فوٹو: فائل

 اسلام آباد: وفاقی وزیر قانون و انصاف بیرسٹر فروغ نسیم عہدے سے مستعفی ہوگئے ہیں۔

ایکسپریس نیوز کے مطابق وفاقی وزیر قانون و انصاف بیرسٹر فروغ نسیم نے اپنے عہدے سے استعفٰی دے دیا ہے اور اب وہ سپریم کورٹ میں زیر سماعت جسٹس قاضی فائز عیسیٰ ریفرنس میں وفاق کی نمائندگی کریں گے۔

اس حوالے سے بیرسٹر فروغ نسیم نے اپنے بیان میں کہا ہے کہ وزیر اعظم کی درخواست پرجسٹس قاضی فائز عیسیٰ کے خلاف صدارتی ریفرنس میں بطور وکیل پیش ہوں گا، میں کیس میں وفاق کی نمائندگی کروں گا اور اسی لئے میں نے وزیر قانون کی حیثیت سے استعفی دیا، وزیر قانون کی حیثیت سے میں نے ہمیشہ قرآن ، حدیث اور آئین پاکستان کی روشنی میں فیصلے کیے،میں نے کبھی ایسا کوئی کام نہیں کیا جو قانون کی حکمرانی کے منافی ہو۔

بیرسٹر فروغ نسیم کا کہنا تھا کہ میری کسی بھی فرد ، جج، بار کونسل یا وکیل کے ساتھ کوئی ذاتی مخالفت نہیں ہے، یہاں تک کہ جسٹس قاضی فائز عیسیٰ کے ساتھ بھی کوئی ذاتی مخالفت نہیں ہے،میں معزز عدالت میں معاونت کے لئے صرف ایک وکیل کی حیثیت سے حاضر ہوں گا۔

Check Also

توشہ خانہ ریفرنس میں آصف زرداری کے وارنٹ گرفتاری جاری

 اسلام آباد: احتساب عدالت نے آصف علی زرداری کے قابل ضمانت وارنٹس گرفتاری جاری کردیے۔ احتساب ...

Leave a Reply

Your email address will not be published. Required fields are marked *