Home / نیوز / ویسٹ ایشیا بیس بال، پاکستان نے سلور میڈل جیت لیا

ویسٹ ایشیا بیس بال، پاکستان نے سلور میڈل جیت لیا

لاہور: 14ویں ویسٹ ایشیا بیس بال کپ سری لنکا نے ایک رن سے جیت لیا۔

میڈیا کوآرڈینیٹر پرویز احمد شیخ کے مطابق سری لنکا نے پہلی، پاکستان نے دوسری، بھارت نے تیسری، ایران نے چوتھی، بنگلہ دیش نے پانچویں اور نیپال نے چھٹی پوزیشن حاصل کی۔

پاکستان فیڈریشن بیس بال کے صدرسید فخر علی شاہ نے سخت فائنل کے اختتام پر کھلاڑیوں اور کوچز سے خطاب کرتے ہوئے کہا کہ سری لنکا کے خلاف انکے ہوم گراؤنڈ اور ہوم کراؤڈ کے سامنے آٹھ اننگز میں ہماری ٹیم نے شاندار کھیل پیش کیا تاہم پہلی اننگ میں بدقسمتی سے بن جانے والے 3 رنزکامیابی کی راہ میں رکاوٹ بنے جبکہ سری لنکا کے ڈیپ فیلڈرز کے 3 ناقابل یقین کیچز نے بھی فرق پیدا کیا۔

ہیڈ کوچ مصدق حنیف کا کہنا تھا کہ فائنل دلچسپ رہا، ہماری ٹیم نے شاندار کھیل پیش کیا، ہمیں صرف دس روزہ کیمپ لگانے کا موقع دیا گیا جبکہ سری لنکن ٹیم پچھلے 6 ماہ سے دوسالہ کوچنگ پلان کے تحت کیمپ کررہی ہے۔ہم اپنی کارکردگی سے مطمئن ہیں اور ایک آدھ شعبے میں موجود کمی کو دور کرکے اولمپک کوالیفائنگ راؤنڈ میں شرکت کرینگے۔

پاکستان کی جانب سے فضل الرحمن، ارسلان جمشید، فقیر حسین، اور سمیر زوار نے 1،1 رن اسکور کیا۔اس موقع پر سری لنکا میں ہائی کمشنرآف پاکستان کرنل سجاد علی،ٹیم لیڈرسید فخر علی شاہ،ٹیم منیجر محمد محسن خان، اسسٹنٹ منیجر پرویز شیخ، ہیڈ کوچ مصدق حنیف، کوچز سید بابر شیرازی، باسط مرتضیٰ، ٹرینرشاہ محمد، فزیوسمیع اللہ ودیگرآفیشلزسید فخر امیر کاظمی،شاہد آفتاب، محمد کاشف شیخ، عمران خان، ظہیرالدین مگسی، حمزہ بلوچ، زبیر وٹو و دیگر موجود تھے۔

Check Also

سلامتی کونسل کا مسئلہ کشمیر کو بھارت کا اندرونی معاملہ تسلیم کرنے سے انکار

نیویارک: مقبوضہ کشمیر کی صورتحال پر اقوام متحدہ کی سلامتی کونسل کا اجلاس منعقد ہوا جس ...

Leave a Reply

Your email address will not be published. Required fields are marked *