Home / بزنس / پاکستان چند سال میں عالمی اقتصادی قوت بن جائے گا ایف پی سی سی آئی ترکی میں نمائش کا انعقاد کرے گا۔غضنفر بلور

پاکستان چند سال میں عالمی اقتصادی قوت بن جائے گا ایف پی سی سی آئی ترکی میں نمائش کا انعقاد کرے گا۔غضنفر بلور

 

پاکستان چند سال میں عالمی اقتصادی قوت بن جائے گا
ایف پی سی سی آئی ترکی میں نمائش کا انعقاد کرے گا۔غضنفر بلور

(۔)پاکستان میں ترکی کے سفیر مصطفی یورداکل نے کہا ہے کہ دونوں برادری اسلامی ملک صدیوں پرانے مذہبی، ثقافتی اور تجارتی بندھن میں بندھے ہوئے ہیں۔دونوں ممالک کے مابین تعلقات ہر آنے والے دن کے ساتھ مضبوط ہو رہے ہیں ۔دونوں ممالک کے مابین آزادانہ تجارت کے معاہدے کی تفصیلات طے کی جا رہی ہیں جس پر دستخط کے بعد تجارت اور سرمایہ کاری میں زبردست اضافہ ہو گاجبکہ ونوں حکومتیں اور عوام مزید قریب آجائیں گے۔ترکی کے سفیر مصطفی یورداکل نے یہ بات ایف پی سی سی آئی کے صدر غضنفر بلورسے بات چیت کرتے ہوئے کہی۔اس موقع پر ایف پی سی سی آئی کے نائب صدر عاطف اکرام شیخ، چئیرمین کو آرڈینیشن ملک سہیل اور آمنہ ملک بھی موجود تھے۔ ترک سفیر نے کہا کہ دونوں ممالک کی حکومتیں اور کاروباری برادری تجارت بڑھانے کیلئے اپنی بھرپور کوشش کریں۔پاکستان کے خلاف پراپیگنڈے کا توڑ کیا جائے جبکہ مارکیٹنگ کا معیار بہتر بنانے کی ضرورت ہے۔پاکستان کا محل وقوع ، عوام کی صلاحیت اور دیگر معاملات اسے عالمی اقتصادی قوت بنانے کیلئے کافی ہیں۔ پاکستان اورافغانستان تعلقات بہتر بنائیں جس سے اس خطے کی اہمیت بڑھے گی جبکہ پاکستان اور ترکی مل کر عالم اسلام کو موجودہ مسائل سے نکالنے کے لئے اپنا قائدانہ کردار ادا کریں۔اس موقع پرایف پی سی سی آئی کے صدر غضنفر بلور نے کہا کہ انکا ادارہ ترکی مین پاکستانی مصنوعات کی نمائش منعقد کروائے گا جس سے تجارتی تعلقات بڑھیں گے۔انھوں نے کہا کہ ترک سفیر پاکستانی مصنوعات اپنے ملک میں روشناس کروائیں اور ترک سرمایہ کاروں کو پاکستان کے توانائی آئل اینڈ گیس ، لیدر اور دیگر شعبوں میں سرمایہ کاری کے امکانات سے آگاہ کریں۔ انھوں نے امید ظاہر کی کہ پاکستان میں ترکی کے سفیر مصطفی یورداکل اپنی تعیناتی کے دوران دونوں ممالک کو قریب لانے میں اپنا بھرپور کردار ادا کریں گے۔

Check Also

فرانس کے سابق تجارتی ایڈوائزر مائیکل سیکولیس کا اپنی مسزچانٹل کے ہمراہ چنیوٹ کا دورہ

فرانس کے سابق تجارتی ایڈوائزر مائیکل سیکولیس کا اپنی مسزچانٹل کے ہمراہ چنیوٹ کا دورہ ...

Leave a Reply

Your email address will not be published. Required fields are marked *