Home / خبر یں / چیئرمین پاکستان کرکٹ بورڈ کے چاروں مشیر فارغ

چیئرمین پاکستان کرکٹ بورڈ کے چاروں مشیر فارغ

کراچی: چیئرمین پی سی بی کے چاروں مشیروں کو فارغ کر دیا گیا۔چیئرمین پاکستان کرکٹ بورڈ کے چاروں مشیروں کو فارغ کر دیا گیا ہے۔ ان میں سابق ٹیسٹ کرکٹرز شعیب اختر، صلاح الدین احمد، شکیل شیخ اور ایزد سید شامل ہیں، ان سب کا تقرر سابق سربراہ نجم سیٹھی نے کیا تھا، گزشتہ روز انھیں خطوط ارسال کر کے بتا دیا گیا کہ خدمات کی مزید ضرورت نہیں ہے۔شعیب اختر کو پہلے سے اس حوالے سے آگاہ کر دیا گیا تھا اسی لیے انھوں نے استعفے کے حوالے سے ٹویٹ کی، حیران کن طور پر اس سے ہی بہت سے لوگوں کو پتا چلا کہ وہ چیئرمین کے مشیر بھی تھے، اس حوالے سے ان کو مذاق کا نشانہ بھی بنایا گیا۔واضح رہے کہ شعیب اختر میڈیا پر اپنے بے لاگ تبصروں کی وجہ سے مشہور تھے مگر نجم سیٹھی نے پہلے بطور ایگزیکٹیو کمیٹی چیف ان کو ماضی کے جرمانے کی رقم واپس دلائی پھر چیئرمین بننے پر مشیر بناکر مکمل قابو میں کر لیا، اسی طرح شکیل شیخ ہر چیئرمین کے ساتھ ایڈجسٹ ہو جاتے تھے مگر احسان مانی کے سامنے تاحال ان کی دال نہ گل سکی ہے۔ انھیں نجم سیٹھی نے گراؤنڈز اور انفرااسٹرکچر کے حوالے سے مشیر بنایا تھا مگر وہ دیگر معاملات میں بھی دخل اندازی کرتے تھے۔ذرائع کے مطابق شکیل شیخ کی پوری کوشش ہے کہ کسی طرح نئے چیئرمین کو بھی بس میں کر لیں مگر اب تک انھیں اس میں کامیابی نہیں ملی ہے،  اسی طرح سابق ڈائریکٹر گیم ڈیولمپنٹ ایزد سید ویمنز کرکٹ،کلب اور اسکول کے حوالے سے مشیر بنے تھے، سابق ٹیسٹ کرکٹر صلاح الدین احمد کراچی میں میڈیا کے معاملات بھی دیکھ رہے تھے، ان کو بھی آگاہ کر دیا گیاکہ خدمات کی مزید ضرورت نہیں ہے۔دوسری جانب رابطے پر پی سی بی کے ترجمان نے تصدیق کی کہ چاروں مشیر اب مزید ذمہ داری انجام نہیں دیں گے، انھوں نے کہا کہ ہر چیئرمین کے جانے پر ایسا ہی ہوتا ہے اس  میں کوئی غیرمعمولی بات نہیں ہے۔

Check Also

بلوچستان کےعوام کوصاف پانی اور تعلیم فراہم کرنا اولین ترجیح ہے، صدرعارف علوی

    کوئٹہ: صدر مملکت ڈاکٹر عارف علوی کا کہنا ہے کہ بلوچستان کے عوام کو ...

Leave a Reply

Your email address will not be published. Required fields are marked *