Home / خبر یں / گورنر ہاؤس لاہور کو عوام کیلئے کھول دیا گیا، بڑی تعداد میں شہریوں کی آمد

گورنر ہاؤس لاہور کو عوام کیلئے کھول دیا گیا، بڑی تعداد میں شہریوں کی آمد

لاہور: گورنر ہاؤس پنجاب کو عوام کے لیے کھول دیا گیا اور شہریوں کی بڑی تعداد نے سیر کی۔وزیر اعظم عمران خان کے حکم پر گورنر ہاؤس لاہور کو عوام کے لیے کھول دیا گیا ہے۔ دروازے پر وقت سے پہلے ہی لوگوں کی لمبی قطاریں لگ گئیں۔ بڑی تعداد میں شہریوں نے گورنر ہاؤس کی سیر کی اور اہم مقامات دیکھے۔گورنر ہاؤس پنجاب میں آبشار ، جھیل ، بارہ دری اور چڑیا گھر سمیت بہت سی پرکشش جگہیں ہیں۔ عوام نے بارہ دری، پہاڑی اور لان میں گہری دلچسپی لی اور تصاویر بنائیں۔ خواتین ، بچے اور بڑے گورنر ہاؤس کی سیر کرکے سب خوش دکھائی دیے۔شہریوں کی رہنمائی اور سیکیورٹی کے لیے گورنر ہاؤس کا عملہ اور پولیس کی بھاری نفری بھی تعینات کی گئی۔ صوبائی وزرا کو بھی عوام کے استقبال کی دعوت دی گئی تھی تاہم کوئی وزیر نہیں آیا۔ فیملیز کی آمد کا سلسلہ شام تک جاری رہے گا۔ حکومتی اعلان کے مطابق گورنر ہاؤس ہر اتوار کو عوام کے لیے کھولا جائے گا۔واضح رہے کہ گورنر ہاؤس سندھ اور گورنر ہاؤس مری کو بھی کھول دیا گیا ہے اور شہری ان سرکاری عمارتوں کی سیر کرکے لطف اندوز ہورہے ہیں۔

Check Also

نہ کوئی گھر توڑا نہ توڑنے دیں گے، غلط تاثردیا جارہا ہے: میئر کراچی

    کراچی: میئر کراچی وسیم اختر کا کہنا ہے کہ ان کا مینڈیٹ نالوں ...

Leave a Reply

Your email address will not be published. Required fields are marked *